मोला लव होगे… 8 मई को रिलीज..छालीवुड म नवा जोड़ी के एंट्री
मोला लव होगे… दिल के कहानी, छत्तीसगढ़ी अंदाज म
छत्तीसगढ़ी सिनेमा अब नई ऊंचाइयों ला छूवत हवय… अउ इसी कड़ी म एक अउ खूबसूरत प्रेम कहानी दर्शकों के दिल म राज करे बर तैयार हे… फिल्म मोला लव होगे…
ये सिरिफ एक लव स्टोरी नइ, बल्कि भरोसा, त्याग अउ सच्चा प्यार के वो एहसास हे… जेन हर कोनो के जिनगी म कभू न कभू जरूर आथे…
फिल्म म दिखाय गे हे दू दिल के कहानी… जेन हालात के खिलाफ लड़के अपन प्यार ला साबित करे बर हर मुश्किल पार करथें… गांव के सादगी, शहर के चमक-दमक अउ दिल के जज्बात… सब कुछ एके फिल्म म देखे बर मिलही…
गाना, म्यूजिक अउ डायलॉग… हर चीज म छत्तीसगढ़ के माटी के खुशबू महसूस होथे… जेकर चलते ये फिल्म सीधे दिल म उतर जाथे…
जब दिल म सच्चा प्यार होथे… त दूरी, मजबूरी अउ हालात कुछो नइ बिगाड़ सकय… मोला लव होगे… ये कहानी हवय हर ओ मन के… जेन प्यार म विश्वास रखथें…… क्योंकि प्यार हर दिल म बसथे…तो संगवारी मन तैयार रहू 8 मई के आपके शहर के सिनेमा घर में लगथे ये फिलिम...… ये फिल्म खास बात ये हवय के आयुष राजवैद्य के बतौर हीरो पहिली फिल्म हवय… जऊन म वो अपन एक्टिंग के दम दिखावत नजर आही…
फिल्म “मोला लव होगे” म आयुष राजवैद्य के अपोजिट म दिखहीं भानुप्रतापपुर के प्रतिभाशाली अभिनेत्री तिरांजलि गोस्वामी… जऊन छालीवुड म अपन किस्मत आजमावत हवंय… दूनों के जोड़ी ला लेके दर्शक मन म काफी उत्साह देखे ला मिलत हे…
फिल्म के गाना अभी लेच यूट्यूब म धूम मचा देहे हवंय… “मोला मुम्बई घुमा दे राजा” अउ “डोंट टच माय गगरी” जइसने गाना आज हर कोई के जुबान म चढ़ गे हवंय… सोशल मीडिया म घलो ये गाना जमके ट्रेंड होवत हवंय…
ये फिल्म के निर्माता अउ निर्देशक हवंय अनुमोद राजवैद्य… जेन ह अपन अनुभव ले फिल्म ला खास बनाय के कोसिस करे हवंय… फिल्म म मनोरंजन के हर रंग देखे ला मिलही…
सबले खास बात ये हवय के छालीवुड के सुपर स्टार करन खान अब इस फिल्म ले चरित्र अभिनेता के रूप म अपन नवा पारी के शुरुआत करत हवंय… जऊन दर्शक मन बर काफी दिलचस्प होही…
फिल्म म रजनीश झांझी, संजय महानंद, पुष्पेंद सिंह अउ जागेश्वरी मेश्राम जइसने दिग्गज कलाकार मन घलो अपन अभिनय के जलवा बिखेरत नजर आहीं…
कुल मिलाके “मोला लव होगे” एक एंटरटेनमेंट ले भरपूर फिल्म होय के दावा करत हे…
अब देखना ये होही के ये फिल्म दर्शक मन के दिल म कतका जगह बना पाथे…
